Presidenti i Kosovës Hashim Thaçi sqaroi nga studio e emisionit ?Opinion? në Televizionin Klan se me Serbinë nuk është diskutuar në terma konkretë se çfarë do të përmbajë një marrëveshje e mundshme mes dy vendeve.<br /><br />Kreu i shtetit kosovar mohoi kategorikisht idenë e shkëmbimit të territoreve apo ndarjen e Kosovës, por vetëm bashkëngjitje të Luginës së Preshevës.<br /><br />Thaçi theksoi se para finalizimit të marrëveshjes me Serbinë do t'u drejtohet qytetarëve në një referendum, ndërsa parashtroi edhe pyetjen që do t'u drejtohet qytetarëve.<br /><br />Propozimin për korrigjim të kufijve mes Kosovës dhe Serbisë mohon ta ketë diskutuar me autoritetet shqiptare.<br /><br />Thaçi nuk pranon të flasë për përplasjet me ish-kryeministrin Berisha për këtë çështje.<br /><br />Duke e pranuar se negociatat me Serbinë janë tepër të vështira, Presidenti Kosovar garanton se marrëveshja përfundimtare do të jetë e dakordësuar 100% edhe me Shtetet e Bashkuara të Amerikës dhe Bashkimin Europian.<br /><br />Sipas tij, përveçse njohjes së pavarësisë së Kosovës nga Serbia, ajo do të heqë edhe veton ruse nga Këshilli i Sigurimit i OKB-së dhe për këtë ka marrë edhe garancinë e kryeministrit rus, Dmitri Medvedev.<br /><br />Tv Klan
